29 traŭnia ŭ KDB h. Baranavičy byŭ vyklikany były aktyvist «Maładoha Frontu» Ihar Sapieha. Napiaredadni jamu patelefanavali i zaprasili pryjści 29 u 16‑00 dla «razmovy».
Dopyt doŭžyŭsia da 18‑40. Padčas «razmovy» Iharu patłumačyli, što jon byŭ vyklikany jak śviedka pa spravie inšaha aktyvista MF Jarasłava Hryščeni, jakomu inkryminujuć dziejnaść ad imia niezarehistravanaj arhanizacyi (st. 193 UK). Supracoŭnikaŭ kamitetu dziaržbiaśpieki cikaviła, jak Ihar patrapiŭ u arhanizacyju, čym jon tam zajmaŭsia, ci prymaŭ udzieł u akcyjach, ci prysutničaŭ na schodach, čamu pakinuŭ šerah aktyvistaŭ i h.d.
Taksama Sapieha byŭ papiaredžany ab adkaznaści za pieradaču infarmacyi pa kryminalnaj spravie padślednamu. U kancy dopytu Iharu prapanavali padpisać zajavu ab vychadzie z arhanizacyi. Na što toj zhadziŭsia, bo nie źjaŭlajecca členam MF ź listapada 2006 hoda.
Na raźvitańnie Ihara paprasili prynieści ŭ KDB usie nalepki, značyki i h.d...
