U niadzielu 3 červienia a 18.00 u mienskaj carkvie «Boskaja łaska» adbudziecca ahulnaharadzkaja malitva evanhielskich chryścijanaŭ.
Vierniki buduć malicca za mahčymaść praviadzieńnia bahasłužbaŭ zarehistravanymi supołkami ŭ žyłych dy inšych pamiaškańniach, a taksama za toje, kab žyłyja pamiaškańni možna było pieravodzić u kultavyja.
Aproč malitvy, vierniki majuć pryniać zvarot da kiraŭnika Biełarusi.
Hetaja malitva staniecca reakcyjaj evanhielskich chryścijanaŭ na aryšt pastara piacidziasiatnickaj carkvy Antonija Bakuna 27 traŭnia ŭ časie śviatočnaj bahasłužby, jakoha abvinavacili ŭ «praviadzieńni relihijnaha schodu biez specyjalnaha dazvołu».
29 traŭnia biskup Abjadnanaj carkvy CHVE ŭ Biełarusi Siarhiej Chomič u adkrytym zvarocie ŭ HUUS Mienharvykankamu adznačyŭ, što «hetyja padziei pakazvajuć nieabchodnaść pierahladu relihijnaha zakanadaŭstva dziela pryviadzieńnia jaho ŭ adpaviednaść z Kanstytucyjaj Biełarusi».
