Z 1 červienia pačnuć chadzić dva dadatkovyja štodzionnyja ciahniki pa maršrucie Horadnia — Kuźnica. Režym pracy — ranicaj i uviečary
Paraduje haradziencaŭ i jašče adna navina — pačynaje pracu štodzionnaja chutkasnaja elektryčka, jakaja budzie absłuhoŭvać maršrut Horadnia — Vaŭkavysk — Baranavičy. Rejs budzie pačynacca ad ranicy, u Baranavičy elektraciahnik budzie prychodzić za 4 hadziny.
Nahadajem, što ŭ sakaviku pa šerahu pryčynaŭ na haradzienskim čyhunačnym vakzale amal tydzień trymalisia vialikija čerhi. Na praciahu sutak u Polšču vypraŭlalisia čatyry ciahniki, jakija pieravozili mienš za tysiaču pasažyraŭ. Adnoj z pryčynaŭ źjaŭleńnia daŭno zabytych u Horadni čerhaŭ stała pastanova, pavodle jakoj nieadnarazovaje pieramiaščeńnie pra dziaržaŭnuju miažu ciaham sutak pryraŭnoŭvajecca da pradprymalnickaj dziejnaści. Takim čynam dziaržava raźličvała paŭpłyvać na čaŭnočny biznes u pamiežnych haradoch. Jašče adnoj pryčynaj byŭ ramontam pasadačnaj platformy ŭ Kuźnicy‑Biełastockaj, što istotna skaraciŭ prapuskalnuju zdolnaść tamtejšaha vakzału.
