Na sajcie FPB raźmieščana infarmacyja pra mižnarodnuju padtrymku biełaruskich aficyjnych prafsajuzaŭ u suviazi z mahčymym pazbaŭleńniem Biełarusi handlovych preferencyj. Mižnarodnaje abjadnańnie prafsajuzaŭ metalistaŭ (MAP) zajaviła, što podpisy jaho čalcoŭ pad zvarotam u padtrymku FPB sfalšavanyja.

Pra falšavańnie podpisaŭ čalcoŭ MAP paviedamiŭ staršynia hetaj arhanizacyi Mikałaj Šatochin. U suviazi z hetym staršynia Federacyi niezaležnych prafsajuzaŭ Rasiei Michaił Šmakaŭ nakiravaŭ list kiraŭniku Federacyi prafsajuzaj biełaruskaj Leanidu Koziku. Na dumku M. Šmakava, vydaleńnie Biełarusi ź liku karystalnikaŭ Abahulenaj systemy taryfnych preferencyjaŭ Eŭraźviazu stała mahčymym dziakujučy «nieprychavanamu niežadańniu ŭradu Biełarusi vykonvać Kanvencyi Mižnarodnaj arhanizacyi pracy, prysłuchacca da rekamendacyjaŭ Kamisii pa raśledavańni», i tamu «vastryjo našaj prafsajuznaj akcyi pavinna być, najpierš, skiravana suprać takoj pazycyi ŭradu, u abaronu ahulnapryznanych va ŭsim śviecie pravoŭ prafsajuzaŭ». Staršynia FNPR ličyć adzina mahčymym vyjściem z sytuacyi vykanańnie ŭsich patrabavańniaŭ Kamisii Mižnarodnaj arhanizacyi pracy.

Pavodle «Salidarnaści»

Fatazdymak kiraŭnika FPB Leanida Kozika z sajtu Pałaty pradstaŭnikoŭ

Клас
0
Панылы сорам
0
Ха-ха
0
Ого
0
Сумна
0
Абуральна
0