U novym navučalnym hodzie Kamitet abarony represavanych «Salidanaść» praciahnie dapamahać biełaruskim studentam, jakija paciarpieli za svaju hramadzka-palityčnuju aktyŭnaść u vyniku pieraśledu ŭładaŭ.

Zvyš 100 čałaviek zmohuć raspačać navučańnie ŭ roznych VNU Eŭropy, dziakujučy padtrymcy ŭradaŭ Polščy, Čechii, Letuvy, Aŭstryi j inšych krainaŭ

Dziakujučy dziejnaści Kamitetu abarony represavanych «Salidarnaść», u minułym hodzie bolš za 300 studentaŭ ź Biełarusi zmahli praciahnuć svajo navučańnie za miažoju. Hety byli pieravažna tyja studenty, jakija ŭziali ŭdzieł u prateście padčas prezydenckich vybaraŭ u namiotavym miastečku na Kastryčnickaj płoščy.

Niahledziačy na toje, što sioleta nie nazirałasia spektakularnych adličeńniaŭ studentaŭ, nia ŭsie žadajučyja atrymać adukacyju na Baćkaŭščynie zmohuć heta zrabić.

Pavodle słovaŭ Ały Karol z kamitetu «Salidarnaść», užo nieŭzabavie maje raspačacca druhi nabor studentaŭ na prahramu padtrymki biełaruskich represavanych polskim uradam — prahramu imia Kastusia Kalinoŭskaha.

A. Karol: Jość takaja damoŭlenaść, i prahraama adbudziecca i ŭ hetym navučalnym hodzie. Vielmi šmat ludziej vykazvajuć žadańnie navučacca pa hetaj prahramie. Nieŭzabavie projduć Rady kamitetu, na jakich buduć pryjmacca rašeńni pa kožnamu čałavieku. Dumaju, što ich budzie kala sotni. Śpis krainaŭ budzie toj samy: Polšča, Letuva, Ukraina, Niamieččyna, Čechija, niadaŭna dałučyłasia Aŭstryja. Bolšaść novych udzielnikaŭ — heta tyja, jakija byli vyklučanyja, a astatnija ź liku tych, chto byŭ vyklučany raniej i nia moža adnavicca albo iznoŭ pastupić. Niekatoryja byli pastaŭlenyja pa miescy žycharstva na ŭlik pa spravach niepaŭnahadovych. Im adrazu skazali, što z vašaj rekamendacyjaj vy nikudy nie pastupicie.

Adličanyja sioleta studenty nie źviartajucca ŭ sudy, kab adstajać svaje pravy, bo nia majuć nadziei na pośpiech pracesu. Pravaabaronca Taciana Hacura ź Biełaruskaha Chelsinskaha kamitetu havoryć, što ŭ BCHK źviarnuŭsia tolki adzin adličany student.

T. Hacura: Na dadzieny momant my majem tolki adnu spravu pa adličeńni studenta z Akademii kiravańnia. U BCHK z takimi prablemami bolš nichto apošnim časam nie źviartaŭsia. Ja b nie skazała, što ŭ hetym hodzie naziralisia niejkija masavyja represii.

Dyrektar prahramy Kalinoŭskaha Jan Malicki havoryć, što, niahledziačy na peŭnyja ciažkaści j prykryja vypadki padčas realizacyi prahramy, ahułam jaje vynik aceńvajecca pazytyŭna.

Ja. Malicki: 2 lipienia ŭ Varšaŭskim universytecie buduć abvieščanyja novyja praviły pryjomu. U hetym hodzie jany bolš žorstkija. Niama nijakich kvotaŭ ci miescaŭ, jość umovy, hałoŭnaja ź jakich — student pavinien być adličany sa svajoj VNU. U minułym hodzie my mieli niekalki niepryjemnych prykładaŭ funkcyjanavańnia prahramy, ale ja, jak jaje dyrektar, nikoli nie spadziavaŭsia, što budzie lohka. Zrešty, ciapier rana kazać pra acenku ŭsioj prahramy, bo studenty jašče vučacca, sesija tolki pačynajecca. Niahledziačy adnak na ŭsio, ja liču stvareńnie hetaj prahramy vialikim pośpiecham. Heta najbujniejšaja prahrama dapamohi biełaruskim studentam va ŭsioj Eŭropie. Heta vialiki pośpiech.

Za apošni hod u Kamitet abarony represavanych pa dapamohu źviarnulisia bolš za tysiaču čałaviek. U asnoŭnym heta byli maładyja ludzi ŭ vieku 19-25 hadoŭ, jakija byli adličanyja z VNU. Srodki byli vydatkavany na abśledavańnie ŭ špitali j sanatornaje lačeńnie, na časovaje ŭtrymańnie kvatery pry stracie miesca ŭ internacie, apłatu navučańnia pry vymušanym pieravodzie na płatnuju formu navučańnia, pracu ź jurystami, na transpartnyja pasłuhi, uładkavańnie na pracu, a taksama na inšyja patreby.

Dźmitry Hurnievič, Polskaje Radyjo dla zamiežža

Клас
0
Панылы сорам
0
Ха-ха
0
Ого
0
Сумна
0
Абуральна
0