U Eŭrapaplamencie adbyłosia hałasavańnie za prajekt istotnaha źnižeńnia koštaŭ na roŭminh na terytoryi EZ. Pa vynikach hałasavańnia, ź leta ciapierašniaha hodu dla hramadzianaŭ dziaržavaŭ‑členaŭ EZ istotna źniziacca košty na karystańnie mabilnymi telefonami ŭ inšych krainach EZ (mabilny roŭminh). Maksymalny košt chviliny zychodnaha zvanka, zroblenaha ŭ inšaj krainie EZ, źnižany da 49 eŭracentaŭ; maksymalny košt chviliny ŭvachodnaha zvanka — da 24 eŭracentaŭ. Praz dva hady maksymalnyja staŭki źniziacca jašče bolš: da 43 eŭracentaŭ (zychodnyja zvanki) i 19 eŭracentaŭ (uvachodnyja zvanki).

Rašeńnie Eŭrapiejskaha Parlamentu pavinna być uchvalenym na pasiedžańni Rady Ministraŭ EZ pa pytańniach telekamunikacyjaŭ, jakoje adbudziecca 7 červienia.

Na dumku Eŭrapiejskaj Kamisii, na siońniašni dzień eŭrapiejcy sutykajucca z nadta vysokimi taryfami za zvanki zamiažoj. Pa słovach Vivjen Redynh, Eŭrapiejskaha Kamisara pa pytańniach infarmacyjnaha hramadztva i ŚMI, zvyšvysokija taryfy na roŭminh — heta adzin z apošnich barjeraŭ dla paŭnacennaha raźvićcia ŭnutranaha rynku EZ.

Bolš padrabiazna

Клас
0
Панылы сорам
0
Ха-ха
0
Ого
0
Сумна
0
Абуральна
0