Ruch «Za Svabodu» abviaščaje konkurs videamikrafilmaŭ na temu «Biełaruś, jakuju nie pakazvaje biełaruskaje telebačańnie». Usie achvotnyja mohuć pasprabavać siabie ŭ roli režysiora. Umovy vielmi prostyja. Zdymicie siužet nie bolš za 10 chvilin i pamieram da 100 MB. Paśla zahruzicie jaho na videa‑servis YouTube.com i adašlicie spasyłku vašaha videa i vašyja kantakty na elektronny adras [email protected] da 20 lipienia.
Śpis najlepšych pracaŭ budzie apublikavany na admysłovaj staroncy konkursu na YouTube.com, a pieramožcy atrymajuć kaštoŭnyja padarunki. Akramia taho kožny z udzielnikaŭ budzie mieć mahčymaść pakazać svaju pracu niekalkim miljonam hledačoŭ, jakija naviedvajuć videa‑servis YouTube.com.
Uračystaje padviadzieńnie vynikaŭ i ŭznaharodžvańnie pieramožcaŭ adbudziecca 27 lipienia.
