Kala dvuch dziasiatkaŭ viernikaŭ, pieravažna moładź, byli razahnanyja milicyjantami kala klaštaru bernardynaŭ u Miensku. A 20-j hadzinie moładź sabrałasia na malitvu, i praź niekalki chvilinaŭ źjavilisia milicyjanty.
Adzin ź milicyjantaŭ, jaki pradstaviŭsia ŭčastkovym Centralnaha RUUS stalicy, paviedamiŭ prysutnym, što źbiracca na sumiesnyja malitvy možna tolki z dazvołu haradzkich uładaŭ. Milicyjanty zapatrabavali, kab ludzi razyšlisia. U advarotnym vypadku jany pahražali zatrymańniami. Niekalkich čałaviek jany vycisnuli ź placoŭki kala hanku byłoha kaściołu Śviatoha Jazepa ŭ bok vulicy Maksima Bahdanoviča.
Kala dvuch hadoŭ ludzi źbiralisia štodnia na hetym miescy i malilisia, kab kaścioł pieradali viernikam, a nie rabili ŭ im zabaŭlalnaj ustanovy. Raniej milicyjanty nazirali za tym, što adbyvałasia la kaściołu, ale ludziej nie razhaniali.
