 |
Zapasu paliva ŭ sielskahaspadarčych arhanizacyjach Biełarusi chopić prykładna na piać dzion pracy. Pra heta paviedamiŭ 6 červienia na pres‑kanfierencyi ŭ Minsku načalnik hałoŭnaha ŭpraŭleńnia miechanizacyi i techničnaha prahresu Ministerstva sielskaj haspadarki i charčavańnia Franc Mińko.
Pavodle jaho słoŭ, krychu lepšyja spravy ŭ Viciebskaj i Minskaj abłaściach, jakija vałodajuć zapasam paliva na siem‑dzieviać dzion pracy, horšyja — u Mahiloŭskaj i Homielskaj abłaściach (na dva‑čatyry dni pracy).
«U cełym, 56‑57% haspadarak Biełarusi pracujuć z punktu hledžańnia zabiaśpiečanaści palivam niepasredna z kołaŭ», — prainfarmavaŭ F.Mińko.
Jon zaznačyŭ, što ŭsiaho na ŭboračnuju kampaniju pa narychtoŭcy karmoŭ nieabchodna 272 młrd. rubloŭ. Sielhasarhanizacyjam treba zakupić 136,4 tys. ton dyzielnaha paliva i 19,7 tys. ton bienzinu. Na siońnia ŭ haspadarkach jość 10 tys. ton dyzielnaha paliva i 2 tys. ton bienzinu.
Niadaŭna Minsielhascharč užo chadajničaŭ ab vydzialeńni 80 młrd. rubloŭ na zakupku paliva. Pavodle słoŭ čynoŭnika, na hetym tydni hetaje pytańnie budzie vyrašana.
Načalnik upraŭleńnia Minsielhascharču zaznačyŭ, što haspadarki vykarystoŭvajuć dla zakupki paliva ŭłasnyja srodki, biudžetnyja srodki abłaściej, a taksama kredytnyja resursy, jakija pradastaŭlajuć banki na hetyja mety. Sielhasarhanizacyi Biełarusi ŭžo atrymali kredyty na zakupku paliva dla narychtoŭki karmoŭ u pamiery 62 młrd. rubloŭ. Aprača taho, 14 młrd. rubloŭ na hetyja mety vydzielena ź miascovych biudžetaŭ.
Jon prainfarmavaŭ, što na miascovyja vidy paliva pieraviedzieny 2.400 ziernasušylnych ustanovak.
