- U nieba siońnia depresija —
Piarestaja,
Jak hałuby na vieśnicach,
Na leśvicach,
U padstreššy
Starym i dziuravym.
Nieba chodzić pa belkach
Suśvietnaha dachu,
Zastyłaha, zasypanaha
Žoŭtymi fatazdymkami
Žoŭkłaha liścia
Jašče z vosieni. Dy zrešty
Užo jakuju viasnu
Nie dachodziać (ci nie padymajucca)
Ruki prybrać
Pryciarušany liściem
Kolišnich vosieniaŭ dach.
U nieba depresija —
Zrebnaja
Kašula, zanošanaja
Proćmaju prošłych
I budučych haspadaroŭ.
Jaje vykidajuć na śmietnik,
Rvuć z treskam u ryźzio,
A jana viartajecca, pošaść,
Napaminkam kolišniaha abo
Da bolu znajomymi
Łachmanami na čyichści apuščanych
Plačach.
- U nieba depresija —
Viesnavaja, jak zakachanaja
Žančyna, što vieścić
Ab svaim kachańni
Ślazami i soniečnymi
Promniami, chaładečaj
I vobłakam kviecieni na višni.
- U nieba depresija —
Niabieskaja,
Dy što tut skažaš,
Čałavieča.
- travień 2007
0
0
0
0
0
0