Na suśvietnym rynku kalijnych uhnajeńniaŭ nazirajecca zaŭvažny rost. U źviazku z hetym, pierachod Biełarusi na piacihadovy ramkavy kantrakt pastavak u Kitaj eksperty ličać nielahičnym.
Biełaruskaja kalijnaja kampanija ŭkłała vyhadnaje pahadnieńnie na pastaŭku kalijnych uhnajeńniaŭ u Indyju. Abjom pastavak sioleta amal udvaja pieravyšaje minułahodnija pakazčyki: 238 tys.t. suprać 106 tys.t. BKK uśled za kanadzkaj kampanijaj Potash‑Corp uźniała košt na chłorysty kalij da 50$/t. Damova ŭkładzienaja z bujnym indyjskim imparteram — kampanijaj IPL, jakaja zabiaśpiečvaje kalijnymi ŭhnajeńniami da 80% indyjskaha rynku.
Sioleta nazirajecca niebyvały rost kalijnaha rynku. Čakajecca rost koštaŭ na kalijnyja ŭhnajeńni da 270$/t. Eksperty tłumačać taki ažyjataž vysokim popytam na ŭhnajeńni dla pradukcyi, što vykarystoŭvajecca dla vyrabu bijapaliva.
Nahadajem, što ŭ 2006 h. BKK viała składanyja pieramovy z kitajskimi imparterami, u vyniku jakich zdoleła ŭźniać košty tolki na 25$/t. U 2007 h. pieramovy z Kitajem skončylisia 3%‑aj prybaŭkaj koštu. Miarkujecca, što BKK piarojdzie na piacihadovy ramkavy kantrakt z kitajskimi partnerami.
