U chutkim časie skončycca termin dypłamatyčnaj miśsii Brajana Bienieta. Pryčym, kažuć, jon naohuł moža zavieršyć dypłamatyčnuju karjeru.
Bieniet pryjechaŭ da nas pasłom u 2003 hodzie, źmianiŭšy na hetaj pasadzie Iana Kieli. Da Biełarusi vopytny 59‑hadovy dypłamat pracavaŭ u Čechii, Chielsinki, Vienie, Haazie, Tunisie.
Biełaruskim žurnalistam i palitykam Bieniet zapomniŭsia biezdakornym źniešnim vyhladam i daścipnaściu. Naviedvaŭ jak naziralnik mitynhi apazicyi i časta braŭ udzieł u dabračynnych akcyjach. Na adnoj ź ich, kali źbirali hrošy dla minskaha chośpisu, navat śpiavaŭ ramans.
