Hramadzianka Biełarusi raźbiłasia, vyskačyŭšy z bałkona na vośmym paviersie žyłoha doma na terytoryi handlovaha pradstaŭnictva Rasiei ŭ Tokijo. Jaje advieźli na mašynie chutkaj dapamohi ŭ najbližejšuju bolnicu, dzie lekary kanstatavali śmierć.
Žančynu zvali Ała Bandarenka.
Jana kala 10 hod žyła ŭ Japonii razam z mužam, jaki zajmaŭsia navukovymi daśledavańniami, pracujučy pavodle kantraktu. Jany arandavali adnu z kvater u kompleksie rasiejskaha handlovaha pradstaŭnictva.
Krynicy ŭ handlovym pradstaŭnictvie zaznačajuć, što vypaść z vakna ci bałkona hetaha budynka niemahčyma. Tamu vysoŭvajecca versija samahubstva. Palicyja viadzie raśśledavańnie.
