Takoje mierkavańnie vykazaŭ viadomy rasiejski palityk Barys Niamcoŭ, vystupajučy na viačery, naładžanaj kiraŭnictvam Radyjo Svaboda Radyjo Svabodnaja Eŭropa.

Niamcoŭ: «Ja nia viedaju, čamu vaš prezydent vyrašyŭ pryśpiešyć praces atrymańnia Kosavam niezaležnaści. Ja nia dumaju, što Kosava jość realnaj prablemaj Ameryki. Kosava — heta prablema Eŭropy.

Dniami Pucin padčas razmovy z Saakašvili ŭ Sankt‑Pieciarburhu spytaŭsia ŭ hruzinskaha prezydenta, ci padtrymlivaje toj pazycyju Rasiei pa Kosavie. I što adkazaŭ Saakašvili? Zrazumieła, tak.

Kali ZŠA buduć cisnuć, kab realizavać plan Achcisaary adnosna Kosava, ja liču, što heta budzie vialikaj pamyłkaj Buša. Pucin budzie vykarystoŭvać hetuju pamyłku dla padtrymki separatystaŭ u krainach vakoł Rasiei. U pieršuju čarhu ŭ Hruzii. Jon nieadkładna arhanizuje referendumy ŭ Abchazii i ŭ Paŭdzionnaj Asetyi. I jany daduć 90% padtrymki niezaležnaści ad Hruzii na samym sumlennym referendumie. Paśla hetaha Pucin zrobić toje samaje i atrymaje takuju samuju vielizarnuju padtrymku ŭ Prydniastroŭi.

I što Złučanyja Štaty zmohuć adkazać na heta? Heta ž sytuacyja absalutna analahičnaja kosaŭskaj. Niekatoryja kažuć, što Pucin pieraścierahajecca kosaŭskaha precedentu dla Čačni. Ale heta nia tak. Čačnia pierastała być mižnarodnaj prablemaj. U Čačni pastavili kryminalnaha typa — Kadyrava, jaki kantraluje sytuacyju. Referendum pakazaŭ, što čačency chočuć być z Rasiejaj nazaŭždy. Pucin daŭ u Čačniu vialikija hrošy. Zachad nie cikavicca Čačnioj, bo maje šmat inšych prablemaŭ.

Ja miarkuju, što ŭ vypadku, kali Kosava stanie niezaležnym, Pucin atrymaje vielizarnyja mahčymaści padtrymki separatystaŭ — najpierš u Hruzii, ale i ŭ inšych krainach postsavieckaj prastory».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?