Staršynia Babrujskaha harvykankamu Dźmitry Bonachaŭ płanuje adnavić Babrujskuju krepaść, ale nie poŭnaściu: ad vulicy Karbyšava da Ladovaha pałacu.

Pavodle Dźmitryja Bonachava, na ažyćciaŭleńnie hetaj zadumy spatrebiacca vialikija srodki. Razmova viadziecca pra miljardy rubloŭ. Ale kiraŭnik Babrujska ličyć spravu vartaj hetych hrošaj. Na miescy budučaha adnaŭleńnia zachavalisia try krapasnyja reduty. Bonachaŭ adznačyŭ, što fartyfikacyjny budynak źjaŭlajecca ŭnikalnym. Jon zachavaŭsia lepiej, čym u šmatlikich inšych haradach, jakija mohuć pachvalicca chiba reštkami haradskich vałaŭ.

Razam z tym staršynia Babrujskaha harvykankamu zaŭvažyŭ, što pakul krepaść znachodziłasia ŭ rasparadžeńni vajskoŭcaŭ, jana padvierhłasia surjoznym razbureńniam. Dziela zachavańnia histaryčnaj spraviadlivaści varta pasprabavać adnavić krepaść chacia b na nievialikim učastku, ličyć Bonachaŭ. Praca pavinna pačacca z vyvučeńnia starych schiemaŭ i čarciažoŭ. Druhim etapam budzie adnaŭleńnie vałaŭ i rvoŭ. Bonachaŭ taksama paabiacaŭ nie budavać damoŭ pobač z krepaściu.

Jan Maŭzer, Radyjo Racyja

Клас
Панылы сорам
Ха-ха
Ого
Сумна
Абуральна