 |
Mienskija ŭłady vyznačylisia, jak vyrašyć prablemu z płyńniu pasažyraŭ padčas prybudovy čaćviertaha eskalataru na Kastryčnickaj. Versii pra «adnabakovy ruch» pa tuneli i vychadu da Domu Aficeraŭ byli adkinutyja na karyść kardynalnaha rašeńnia: niekalki miesiacaŭ ciahniki ŭvohule nia buduć spyniacca na pierasadačnych stancyjach.
Pra heta pieradaje STV:
Pačatak rekanstrukcyi namiečany pryblizna na siaredzinu lipienia. Zavieršyć pracy metrabudaŭniki planujuć sioleta da listapada. Uvieś hety čas «Kastryčnickaja» i «Kupałaŭskaja» buduć začynienyja. Pasažyram daviadziecca karystacca susiednimi stancyjami. Heta dazvolić zavieršyć rekanstrukcyju ŭ najkaraciejšyja terminy. Metrabudaŭniki pracavaćmuć kruhłasutačna i biez vychodnych. I zahadzia papiaredžvajuć pra časovyja niazručnaści.
