 Vadzim Papoŭ |
U vypadku admieny Jeŭrasajuzam prefierencyj dla biełaruskich tavaraŭ pacierpiać, u pieršuju čarhu, rynki jeŭrapiejskich krain. Takuju dumku vykazaŭ siońnia ŭ intervju karespandentu BIEŁTA staršynia Pastajannaj kamisii Pałaty pradstaŭnikoŭ pa mižnarodnych spravach i suviaziach z SND Vadzim Papoŭ.
«Uviadzieńnie ekanamičnych abmiežavańniaŭ u handli ź Biełaruśsiu — heta nie toj šlach, pa jakim treba iści kiraŭnictvu Jeŭrasajuza, — ličyć Vadzim Papoŭ. — Admiena prefierencyj udaryć pa tych, chto kuplaje našy tavary. Takim čynam, palityki ES vymajuć lišnija hrošy z kašalkoŭ svaich padatkapłacielščykaŭ».
Staršynia parłamienckaj kamisii padkreśliŭ, što Biełaruś nie źbirajecca źnižać ceny na tavary, jakija ekspartujucca ŭ ES. «My šukajem inšyja rynki», — rastłumačyŭ Vadzim Papoŭ. Pry hetym jon prainfarmavaŭ, što biełaruskija parłamientaryi sustrakajucca sa svaimi jeŭrapiejskimi kalehami i pradstaŭnikami dziełavoha śvietu Jeŭropy dla rastłumačeńnia pazicyi biełaruskaha boku. «My havorym im: kali vy stracicie biełaruski rynak, vam užo ciažka budzie na jaho viarnucca», — adznačyŭ subiasiednik.
