Admoŭnaje salda źniešniaha handlu tavarami ŭ studzieni—traŭni skłała 1 miljard 450 miljonaŭ dalaraŭ.
U Biełarusi ŭ studzieni—traŭni 2007 hoda salda źniešniaha handlu tavarami skłałasia admoŭnym u pamiery 1450.7 młn. USD, paviedamlaje Ministerstva statystyki i analizu. Za travień 2007 hoda admoŭnaje salda vyrasła na 288.2 młn. USD. U studzieni—traŭni 2006 hoda admoŭnaje salda składała 781.3 młn. USD.
Ab`iom źniešniaha handlu tavarami ŭ studzieni—traŭni 2007 hoda skłaŭ 18817.9 młn. USD, pavialičyŭšysia na 18.5% u paraŭnańni z anałahičnym pieryjadam 2006 hoda. Impart tavaraŭ pavialičyŭsia na 21,7% i skłaŭ 10134.3 młn. USD, ekspart pavialičyŭsia na 15% i skłaŭ 8683.6 młn. USD.
Pry hetym z ahulnaha ab`iomu ekspartu pastaŭki ŭ krainy SND skłali 4020.1 młn. USD, pavialičyŭšysia na 30,3% u paraŭnańni z studzieniem—traŭniem 2006 hoda. Ekspart u Rasieju pavialičyŭsia na 29% i skłaŭ 3191.3 młn. USD, va Ŭkrainu na 18,1% da 480.9 młn. USD. Ekspart u krainy pa‑za SND pavialičyŭsia na 4,5% i skłaŭ 4 663.5 młn. USD. Ekspart u Niamieččynu źniziŭsia na 43,3% i skłaŭ 188.2 młn. USD.
U ahulnym ab`iomie impartu pastaŭki z krain SND skłali 6560.6 młn. USD, pavialičyŭšysia na 16,7%. U tym liku, ab`iom impartu z Rasiei pavialičyŭsia na 14,6% i skłaŭ 5901.5 młn. USD. Impart z Ukrainy pavialičyŭsia na 36% i skłaŭ 551.9 USD. Z krain pa‑za SND Biełaruś pavialičyła impart na 31,9% da 3573.7 młn. USD. Impart ź Niamieččyny pavialičyŭsia ŭ 1,5 razy i skłaŭ 826.6 młn. USD.
Admoŭnaje salda ŭ handli Biełarusi z krainami SND skłała 2540.5 młn. USD, u handli z Rasiejaj — 2710.2 młn. USD, z Ukrainaj — 71.0 młn. USD. U handli z krainami pa‑za SND stanoŭčaje salda skłała 1089.8 młn. USD. Admoŭnaje salda ŭ handli ź Niamieččynaj skłała 638.4 młn. USD.
U 2006 hodzie ŭ Biełarusi admoŭnaje salda źniešniaha handlu tavarami skłała 2584.7 młn. USD. Na 2007 hod pastaŭlenaja zadača zabiaśpiečyć salda źniešniaha handlu stanoŭčym na ŭzroŭni 500 młn. USD.