Stvareńnie Prahramy Kalinoŭskaha było vialikim prajektam, i masavy razavy nabor minułaha hodu zrabiŭ vialikaje ŭražańnie. Jon vyvieŭ z-pad udaru mnohich maładych ludziej. Universytetam byŭ dadzieny zahad ustrymlivacca ad vyklučeńnia studentaŭ. U hetym byŭ hałoŭny pośpiech prahramy, investycyja ŭ budučyniu.
Ciapier važna racyjanalna vykarystać adkrytyja mahčymaści.
Stała viadoma, što sioleta pa Prahramie Kalinoŭskaha tolki Polšča hatovaja pryniać 70 biełaruskich studentaŭ.
Biezumoŭna musiać mieć mahčymaść navučacca vyklučanyja z universytetaŭ za palityku — jak Juraś Alejnik, a taksama tyja, kamu pahražaje realnaja niebiaśpieka. Takich niašmat, badaj, namnoha mienš za 70 čałaviek. Achop prahramaj inšych ludziej supiarečyŭ by ideałam Kalinoŭskaha. Skaračeńnie kolkaści skryŭdžanych, vyklučanych — zadača i kryter pośpiechu prahramy. Pahonia za kolkaściu, naadvarot, dyskredytavała b stvaralnikaŭ prahramy i razmyvała pryncypy niezaležnaha hramadztva.
Udzieł u alternatyŭnych palityčnych asiarodkach ci navučańnie ŭ alternatyŭnych navučalnych ustanovach nie pavinny być padstavami dla vyjezdu na vučobu za miažu. Heta, urešcie, skryŭlała b losy samich junakoŭ, jak lubaja niezasłužanaja ŭznaharoda.
