 Juraś Alejnik |
Pačatak sudovaha pasiedžańnia pa spravie adličanaha z Akademii kiravańnia Jurasia Alejnika byŭ dosyć nervovy. Sudździa Prakapovič vydaliła z zali adnaho sa śviedkaŭ z boku adličanaha studenta za fatahrafavańnie biez dazvołu. Pravaabaroncu Alenu Tankačovu padviała jaje ŭśmieška — u vyniku jaje taksama paprasili za dźviery. Na sudzie prysutničała dosyć narodu. Užo były kiraŭnik ofisu ABSE ŭ Miensku Okie Petersan, jaki siońnia a 5?j ranicy pakinuŭ Biełaruś, zajechaŭ u sud na paŭhadziny i zastaŭsia da kanca. Jon navat achviaravaŭ furšetam u amerykanskim pasolstvie z nahody nacyjanalnaha śviata ZŠA Dnia niezaležnaści. Intaresy Jurasia Alejnika pradstaŭlała advakatka Łarysa Atamančuk, a taksama pradstaŭnik hramdzkaści Aleh Hułak. Jaho rolu ŭ pracesie Juraś aceńvaje vielmi vysoka:
«Vyniki sudu dosyć pradkazalnyja, ale sam fakt, što ŭ sudzie ŭ prysutnaści śviedkaŭ davodzicca našaja racyja, pakazvajecca absurd siońniašniaj sytuacyi — u hetym zasłuha najpierš Hułaka».
Z boku studenta byli pradstaŭlenyja piać śviedak. Akademija kiravańnia delehavała na sud namieśnicu dekana pa vychavaŭčaj pracy Tacianu Piečaniovu. Pa słovach Ju. Alejnika, śviedčańni apošniaj byli vielmi błytanymi, adnak sudździa pryniała ich da viedama. U toj ža čas pakazańni śviedkaŭ z boku byłoha studenta Akademii pa?bolšaści adchilalisia. Sudździa nie zadavoliła chadajnictva Alejnika nakont analizu vučebnych žurnałaŭ. Nahadajem, što Ju. Alejnik nastojvaje, što jahonaje adličeńnie śviedčyć pra dyskryminacyju i parušeńnie jaho kanstytucyjnych pravoŭ. A kab davieści fakt dyskryminacyi, na dumku chłopca, sud pavinien aznajomicca z vučebnymi žurnałami ŭsich hrupaŭ 4?ha kursu Akademii. Zamiest hetaha byli razhledžanyja niekatoryja charaktarystyki adličanych ciaham apošnich semestraŭ studentaŭ Akademii kiravańnia. U adkaz na adchileńnie chadajnictva pazoŭnik zajaviŭ pra advod sudździ.
«Ja liču, što sudździa niekampetentnaja ŭ hetym kankretnym pytańni i nie prykładaje dastatkova vysiłkaŭ, kab raźviazać sytuacyju», — patłumačyŭ hety krok Alejnik.
Ale sudździa admoviła i ŭ hetym dy pryznačyła praciah spravy na nastupny dzień. Sud raspačaŭsia a 9.30. Siońnia ž, mahčyma, budzie vyniesieny i vyrak. Nakont kančatkovaha rašeńnia sudu vydatnik akademii nia maje iluzijaŭ, ale j ad raniejšych rašeńniaŭ nie admaŭlajecca.
