Tradycyjna razhladajem muzyčnyja navinki papiaredniaha miesiaca. Davajcie bližej paznajomimsia z tym, čym paradavaŭ našy vušy pieršy letni miesiac.
Avicii — Tim
Paśmiarotny albom šviedskaha dydžeja Avičy. 20 krasavika 2018 hoda Cim Bierhlinh ździejśniŭ suicyd u Amanie, ale da kanca žyćcia pracavaŭ nad novym muzyčnym materyjałam.
Praz hod paśla śmierci Avičy byŭ vydadzieny albom, usie srodki ad prodažu jakoha buduć pieraličanyja ŭ fond Bierhlinha, jaki dapamahaje praduchilać psichičnyja zachvorvańni i samahubstvy.
Antocha MC — Pro mienia
Tvorčaść 29-hadovaha Antona Kuźniacova vielmi składana z čymści pierabłytać. Heta muzyka i pieśni pra luboŭ da žyćcia i ŭsiaho, što atačaje.
Navat pra kata Vasila, jakomu znajšłosia miesca nie tolki ŭ pieśniach, ale i na vokładcy.
Dee Tree — All is 111
Sioleta ŭžo vyjšła dosyć šmat muzyčnych relizaŭ ajčynnaj vytvorčaści, i kłasna, kali ź miesiaca ŭ miesiac źjaŭlajucca novyja cikavyja relizy, jakija radujuć svajoj muzyčnaj raznastajnaściu.
U červieni pabačyła śviet debiutnaja płytka kalektyvu Dee Tree — heta vielmi pryhožy soŭł, nad jakim pracavali adny z najlepšych muzykaŭ Biełarusi. Prosta mustlisten!
X Ambassadors — ORION
Druhi albom amierykanskaha hurta, vychad jakoha hod tamu byŭ admienieny praz toje, što jon nie całkam adlustroŭvaŭ etap, u jakim znachodziŭsia hurt.
Ale prajšoŭ čas — i śviežy albom muzyki nazyvajuć «novym pakaleńniem svajoj siamji».
Madonna — Madame X
Lehiendarnaja amierykanskaja śpiavačka vypuściła svoj 14-y studyjny albom Madame X.
«Ja vyrašyła nazvać svaju płytku «Madam Eks». Madam Eks — sakretny ahient, jaki padarožničaje pa śviecie, mianiaje asoby, zmahajecca za svabodu i prynosić śviatło ŭ ciemru. Madam Eks — tancorka, prafiesar, kiraŭnik dziaržavy, chatniaja haspadynia, najeźnica, źniavolenaja, studentka, maci, dzicia, nastaŭnica, manaška, śpiavačka, śviataja, larva i špijonka», — abviaščaje anons alboma.
The Raconteurs — Help Us Stranger
Pieršy za 11 hod albom hurta Džeka Uajta. Pakul The Raconteurs maŭčali, toj paśpieŭ zapisać try solniki, ale nadyšoŭ, vidać, čas viarnucca da vytokaŭ.
Nadzvyčaj lampavy huk a-la 60—70-ja, dzie možna pačuć usie niuansy adrodžanaha aldskulnaha bekhraŭndu.
Two Doors Cinema Club — False Alarm
Tematyčnaja tendencyja ŭ materyjale Two Door Cinema Club, čyje pieršyja chity dahetul možna pačuć na dyskatekach, źmianiłasia ŭ bok samaironii i nadańnia hučańniu bolš biezrazvažnaj formy ekśpierymientaŭ.
False Alarm atrymaŭsia padkreślena jarkim, uklučyŭ u siabie elemienty futurystyčnaha elektra-popu i kłasičnych rašeńniaŭ u farmacie indzi-alternatyvy.
Cassius — Dreems
Piaty albom francuzskaha elektronnaha dueta vyjšaŭ praz dva dni paśla trahičnaj hibieli adnaho ź jaho ŭdzielnikaŭ — Filipa Zdara.
Paśla relizu stała viadoma, što heta apošniaja praca muzyčnaha kalektyvu.
Thom Yorke — ANIMA
Treci studyjny solny albom Toma Jorka. Nazva ANIMA ŭziata z analityčnaj psichałohii Karła Junha i aznačaje «sapraŭdnaje ŭnutranaje «ja».
Razam z albomam vyjšła karotkamietražka Poła Tomasa Andersana z adnajmiennaj nazvaj.
The Black Keys — Let's Rock
Vyjšaŭ novy albom amierykanskaha dueta The Black Keys paśla piacihadovaha pierapynku.
Nazvu płytcy dała historyja pieršaha za 11 hadoŭ pakarańnia śmierciu złačynca ŭ štacie Tenesi, jakaja adbyłasia padčas zapisu alboma. Apošnimi słovami pakaranaha byli «Let's Rock».
Našy papiarednija ahlady:
