Paśla niaščasnaha vypadku, jaki adbyŭsia ŭ Kupalskuju noč u vioscy Bobr Krupskaha rajona, udałosia źviazacca z hałoŭnym doktaram Krupskaj centralnaj rajonnaj balnicy Leanidam Iŭcom.
«U noč z 6 na 7 lipienia było dastaŭlena 5 čałaviek. Dvoje ź ich adrazu paśla akazańnia ambułatornaj dapamohi adpuścili,
dźvie dziaŭčyny 14 i 22 hadoŭ patrapili ŭ reanimacyju. Stan ciažki, dziaŭčaty atrymali apioki 1–3 stupieni. Jany zaraz znachodziacca ŭ našaj balnicy, robim usio mahčymaje, — kaža Leanid Iviec.
Pa słovach hałoŭnaha doktara, pra čałavieka, jaki trapiŭ u chirurhičnaje adździaleńnie, jamu pakul nie dakładvali. Jon viedaje tolki pra dziaŭčat, jakija znachodziacca ŭ reanimacyi.
«Mahu skazać, što ŭsio heta adbyłosia z pryčyny nieaściarožnaha abychodžańnia z ahniom.
Miarkuju, što heta jašče lohka abyšłosia. Usio mahło b być našmat horš, da prykładu, kali b haručaja sumieś trapiła na čałavieka i pajšła cełaj chvalaj pa ludziach», — dapoŭniŭ Iviec.
Mastak Aleś Puškin, u siadzibie jakoha i adbyłosia nadzvyčajnaje zdareńnie, u hety momant znachodzicca ŭ hetaj ža balnicy ŭ chirurhičnym adździaleńni, čakaje navin ab paciarpiełych.
Nahadajem, kali Aleś Puškin rychtavaŭ krupnik, uspychnuŭ śpirt, jaki jon zalivaŭ u kacioł. U vyniku 5 čałaviek atrymali apioki.
0
0
0
0
0
0
