Žurnalisty TSN padrychtavali aktualnuju kartu abjektaŭ, jakija zachoplenyja i zabłakavanyja rasijskimi vajskoŭcami.
Na dadzieny momant u Krymie na mysie Fijalent uzbrojenyja ludzi błakujuć vajskovuju častku, jaje nazyvajuć centram raźviedki Vajenna-marskich sił Ukrainy.
U pasiołku Novafiodaraŭka Sakskaha rajona zastajecca zabłakavanaj vajskovaja častka marskoj avijacyi. Pa pierymietry stajać uzbrojenyja rasijskija vajennyja biez apaznavalnych znakaŭ.
Da kierčanskaha atrada marskoj achovy da KPP padjechali nieviadomyja z aŭtamatyčnaj zbrojaj. Usiaho čatyry aŭtobusy, adzin ź ich z rasijskimi numarami.
U Sievastopali ŭkrainskija vajskoŭcy žyvym ščytom abaraniajuć składy z bojeprypasami supraćpavietranaj abarony. Terytoryju ačapili uzbrojenyja rasijskija vajennyja, a ŭvachod na terytoryju zabłakavali hruzavikom. Štab Vajenna-marskich sił Ukrainy byŭ zabłakavany i abiastočany.
U Novaaziornym bazu ŭkrainskaha fłotu nočču sprabavali zaniać sałdaty rasijskaj armii. U abaronu žyvym ščytom stali nieabyjakavyja krymčanie. Ukrainskija sałdaty trymajuć kruhavuju abaronu sa zbrojaj, čakajučy novaj sproby šturmu.
Napružanaja situacyja zaraz u Bachčysarai, dzie znoŭ błakujuć inžyniernuju vajskovuju častku № 2904. Bałakłaŭskaja buchta i aeradrom u Bielbieku — častkova pad kantrolem padraździaleńniaŭ Čarnamorskaha fłotu Rasii.
Na vajennym aeradromie ŭ Bielbieku rasijskija vajennyja nočču sa śviatłošumavymi hranatami šturmam uziali pamiaškańnie varty, anhary z samalotami i skład zbroi.
U Kiraŭskim rasiejcy pierakryli uźlotna-pasadačnuju pałasu, dzie bazujecca piłatažnaja hrupa «Ukrainskija sokały». Rasijskaje padraździaleńnie znachodzicca ŭ aeraporcie Simfieropala.
Parłamient i Saviet Ministraŭ aŭtanomii ad čaćviarha zachoplenyja rasijskimi śpiecnazaŭcami z armiejskim uzbrajeńniem kulamiotami, snajpierskimi vintoŭkami, hranatamiotami.
700 voinaŭ atačyli ŭkrainskuju vajskovuju častku ŭ siale Pieravalnaje. U Jeŭpatoryi zablakavany 55-j zienitna-rakietny połk.
Šturmam pahražali bataljona marskoj piachoty ŭ Fieadosii.
Pad kantrolem rasijskich sałdat pieraprava praz Kierčanski praliŭ.
Na aŭtamabilnych ŭjezdach u Krymski paŭvostraŭ - u Čonhary i Armiansku — błokpasty, jakija kantralujuć bajcy sievastopalskaha «Bierkuta».