Ministerstva abarony RF abvierhła infarmacyju pra ŭltymatum, vysunuty ŭkrainskim vajennym Čarnamorskim fłotam Rasii. Pra heta paviedamlaje «Interfaks».
Aficyjny pradstaŭnik vajennaha viedamstva nazvaŭ paviedamleńnie Minabarony Ukrainy «poŭnaj łuchtoj», i zapeŭniŭ, što nijakich ultymatumaŭ ukrainskim vajskoŭcam u Krymie nie staviłasia.
«My ŭžo pryvykli da štodzionnych abvinavačvańniaŭ u praviadzieńni niejkich siłavych dziejańniaŭ u adnosinach da našych ukrainskich kalehaŭ», — skazaŭ pradstaŭnik US RF. Pradstaŭnik štaba Čarnamorskaha fłotu sa svajho boku zajaviŭ, što «sutyknuć nas iłbami ŭ Krymie nie atrymajecca».
Pra toje, što Čarnamorski fłot pastaviŭ ultymatum ukrainskim vajskoŭcam ŭ Krymie, zajaviła ŭviečary 3 sakavika Minabarony Ukrainy. Pavodle hetaj viersii, ČF daŭ ukrainskim vajskoŭcam čas skłaści zbroju da 5-j ranicy (6:00 pa Minsku), paabiacaŭšy ŭ advarotnym vypadku «sapraŭdny šturm padraździaleńniaŭ i čaściej uzbrojenych sił Ukrainy pa ŭsim Krymie».
