Viadomy kinarežysior Emir Kusturyca ličyć, što Rasija pavinna abaranić rasijcaŭ, jakija pražyvajuć na Ukrainie, i vyratavać krainu ad katastrofy. Pra heta kinarežysior paviedamiŭ ITAR-TASS.
ria.ru
«Na žal, Ukraina ciapier idzie pa tym ža šlachu, što i Juhasłavija kaliści. I mnie vielmi škada, što heta tak. Zaraz adbyvajecca takaja ž katastrofa. Ja liču, što Rasija pavinna abaranić rasijcaŭ, jakija žyvuć va Ukrainie», — skazaŭ Kusturyca.
Pa słovach režysiora, jaki znachodzicca ŭ Samary na hastrolach z rok-hurtom The No Smoking Orchestra, hurt płanuje ŭ bližejšy čas ździejśnić hastrolny tur pa Ukrainie ŭ padtrymku rasijskamoŭnaha nasielnictva i «inšych našych bratoŭ».
Jak paviedamiŭ Kusturyca, adna ź piesień na jaho kancercie budzie pryśviečana rasiejcam, jakija pražyvajuć va Ukrainie.
