Biełaruskija dypłamaty na terytoryi Polščy apošnim časam nie zatrymlivalisia. Pra heta zajaviŭ pres-sakratar MZS Biełarusi Dźmitryj Mirončyk na prośbu prakamientavać publikacyju ŭ polskaj «Haziecie vyborčaj».
Nahadajem, vydańnie paviedamiła ab zatrymańni ŭ Polščy dvuch biełarusaŭ pa padazreńni ŭ špijanažy na karyść Rasii. Adzin z zatrymanych, pavodle źviestak haziety, źjaŭlaŭsia vajennym ataše biełaruskaha pasolstva.
«U suviazi z paviedamleńniami polskich ŚMI ab nibyta złoŭlenym «u Respublicy Polšča biełaruskim dypłamacie» zaznačajem, što apošnim časam biełaruskija dypłamaty na terytoryi Polščy nie zatrymlivalisia i tym bolš nie bralisia pad vartu», — skazaŭ Mirončyk.
«Što da ratacyi supracoŭnikaŭ pasolstvaŭ i jaje matyvaŭ, to biełaruski bok biez naležnych na toje padstaŭ nie kamientuje ŭnutranyja pytańni funkcyjanavańnia dypłamatyčnaj słužby Respubliki Biełaruś, jak i akredytacyi dypłamatyčnaha korpusa ŭ Biełarusi», — dadaŭ jon.
U pasolstvie Polščy admovilisia ad jakich-niebudź kamientaryjaŭ infarmacyi «Haziety vyborčaj».
