Samaj seksualnaj žančynaj śvietu nazvali 23-hadovuju aktorku Dženifier Łoŭrens. U rejtynhu, jaki kožny hod składaje mužčynski časopis FHM, jana zaniała pieršy radok i abyjšła takich papularnych krasuń, jak Ryjana (3-je miesca), Bjonse (7), Miła Kunis (6) i Skarlet Jochansan (10).
U 2014 hodzie zorka filmaŭ «Hałodnyja hulni» i «Afiora pa-amierykansku» pakinuła kankurentak zzadu dziakujučy śmiełaści i pačućciu humaru. Čytačy časopisa paličyli, što mienavita hetyja jakaści robiać sučasnych žančyn asabliva seksualnymi.
Łoŭrens padziakavała za padtrymku ŭsim, chto addaŭ za jaje svoj hołas i skazała, što «vielmi ŭściešanaja». Aktrysa pierakananaja, što jaje seksualnaść — heta ŭpeŭnienaść u sabie, harmonija z samoj saboj i ščaślivaja ŭśmieška.
Dženifier Łoŭrens, akramia ŭdałaha vykanańnia rolaŭ u halivudskich filmach prasłaviłasia tym, što dvojčy zvaliłasia padčas cyrymonii ŭručeńnia premii «Oskar». U 2013 hodzie jana spatyknułasia, idučy pa leśvicy dla atrymańnia zasłužanaha «Oskara» ŭ naminacyi «Lepšaja aktrysa» za film «Moj chłopiec — psich». U 2014 hodzie statuetka joj nie dastałasia, zatoje efiektnaje padzieńnie było vykanana na bis.
