Pavodle infarmacyi Tut.by, 19 śniežnia tarhi na Biełaruskaj valutna-fondavaj biržy admienienyja.
Za noč kurs prodažu dalara ŭ biełaruskich bankach skoknuŭ u čarhovy raz, dasiahnuŭšy 11970—11980 rubloŭ. Čamu mienavita hety kurs? Jon adroźnivajecca ad aficyjnaha kursa Nacbanka roŭna na 10%. Pa słovach rabotnika «Biełarusbanka» isnuje niehałosnaja rekamiendacyja pakul nie padnimać kurs vyšej.
Fota Kiryły Chilko.
Pieršym taki kurs vystaviŭ MTBank u svaich kruhłasutkavych abmieńnikach, uśled padciahnulisia inšyja, uklučna z «Biełarusbankam».
Kurs kupli dalara tym časam zamacavaŭsia na ŭzroŭni 11900 rubloŭ. Jaho dekłaruje «Ideja Bank».
Adnak nabyć valutu ŭ abmieńnikach usio adno niemahčyma: pradajecca tolki toje, što zdajuć inšyja klijenty banka.
Niekatoryja biełaruskija banki, u pryvatnaści, «Biełhazprombank» i «BSB Bank» uvohule źniali kurs prodažu valuty. Jaje nielha nabyć ni pa jakim kursie.