«Naša Niva» pasprabavała 19 śniežnia «nabyć» praź internet smartfon Samsung Galaxy S4. Pa vynikach abzvonu 10 kramaŭ tolki čatyry zhadzilisia pradać aparat:
6 z 10 kramaŭ nie zdymali telefon.
Adna krama źniała telefon, kab skazać, što nie budzie pracavać jašče niekalki dzion.
Nastupnaja krama nazvała zvyčajnuju cenu ŭ dalarach, ale paviedamiła, što biełaruskija rubli nie prymaje.
U nastupnaj kramie nazvali cenu ŭ dalarach.
Na pytańnie, ci možna płacić u rublach, adkazali: «Pamnažajcie na 20».
Jašče ŭ adnoj kramie adbyłasia takaja razmova: «Dzień dobry, ci jość u vas u najaŭnaści smartfon Samsung Galaxy S4?» — «Pracujem tolki za dalary». — «Tolki za dalary?» — «Da pabačeńnia».
Apošniaja krama nie mieła aptymizmu adnosna biełaruskaha rubla. Pry zvyčajnaj canie ŭ dalarach biełaruskija jany nie zhadzilisia prymać navat pa kursie 20000:1.
«Chto znaje, zaŭtra vuń pa 25 budzie».
Svaju pracu prypynili i mahaziny apierataraŭ MTS i velcom, jany časova niedasiažnyja.
Internet-katałoh apieratara life:) dasiažny i nie mianiaŭ cenaŭ. Jak raspaviała «Našaj Nivie» pres-sakratar apieratara Julija Złatkoŭskaja, ceny na sajcie adpaviadajuć cenam u punktach prodažaŭ, a płata pa zakupach u rasterminoŭku mianiacca nie budzie.
«U damovie i ŭ zakanadaŭčych aktach rehłamientujecca źmiena cen i taryfikacyi i ŭmovy akazańnia pasłuh u toj častcy, što my majem prava heta rabić tolki pry istotnych — mienavita ŭ takoj farmuloŭcy! — tolki pry istotnych źmienach aficyjnaha kursu biełaruskaha rubla, — kaža jana. Zaraz padstaŭ dla niejkich dziejańniaŭ, źmienaŭ my nie bačym».