Jak zaŭždy, pierad Dniom Pieramohi ŭ rasijskich dy i, čaho hrachu taić, našych kramach, źjaŭlajucca pradukty, prosta fiejeryčna zabrendavanyja pad tak zvanuju «hieorhijeŭskuju stužku».
Sioleta ŭvahu karystalnikaŭ Internetu pryciahnuli krabavyja pałački «Doblestnyje». Internet-supolnaść tut ža raspaŭsiudziła fotazdymak praduktu z podpisam «Kraby vajavali».
Taksama karystalniki raspaŭsiudzili zdymki inšych praduktaŭ, padpisaŭšy ich «banan vajavaŭ», «kiefir – pracaŭnik tyłu». A jakich praduktovych hierojaŭ vajny možacie prapanavać vy? Pakidajcie spasyłki ŭ kamientarach!
P.S. A maskoŭski zaasałon «Bałuci» ŭ honar Dnia Pieramohi prapanavaŭ biaspłatna nanieści tatuiroŭku ŭ vyhladzie hieorhijeŭskaj stužki sabakam, jakija ŭ im pastryhucca. Fotazdymki z prykładami rabot sałon raźmiaściŭ u aficyjnym instahramie. Paźniej fota vydalili, ale skrynšot paśpieŭ raźlaciecca pa sacsietkach.
