Kartež, u jakim jechali prezident Indyi Pranab Mukierdžy i členy šviedskaj karaleŭskaj siamji, patrapili ŭ DTZ va Upsale (Šviecyja). U vyniku avaryi šeść čałaviek byli špitalizavany. Mukierdžy i kronpryncesa Viktoryja ź jaje mužam pryncam Danielem nie paciarpieli. Pra heta paviedamlaje The Local.
Reuters
DTZ adbyłosia, kali prezidencki kartež nakiroŭvaŭsia da miascovaha ŭniviersiteta, dzie Mukierdžy płanavaŭ vystupić z pramovaj. Čatyry aŭtamabili z supravadžeńnia patrapili ŭ avaryju pry nabližeńni da kruhavoj raźviazki. Paśla avaryi kartež praciahnuŭ ruch.
Indyjski lidar prybyŭ u vychadnyja ŭ Šviecyju z trochdzionnym vizitam pa zaprašeńni karala Karła XVI Hustava. Jon pravioŭ sustreču sa šviedskim premjeram Stefanam Lovenam i pradstaŭnikami biźnies-supolnaści. Mukierdžy staŭ pieršym u historyi prezidentam Indyi, jakija pabyli z aficyjnym vizitam u Šviecyi.
Viečaram siońnia, 2 červienia, jon mieŭsia prylacieć u Biełaruś. Na 3 červienia zapłnavana jaho sustreča z A. Łukašenkam.
