Litva raskrytykavała prajekt dyzajnu novaha zamiežpašparta dla hramadzian Polščy, na adnoj sa staronak jakoha moža źjavicca Vostraja brama — adzin ź simvałaŭ litoŭskaj stalicy. Z hetaj nahody MZS Litvy vyklikała namieśnika ambasadara Polščy ŭ Vilni, paviedamlaje Radyjo Polšča.
zaprojektujpaszport.gov.pl
Pa słovach vice-ministra zamiežnych spraŭ Litvy Nierysa Hiermanasa, litoŭski bok nie moža pahadzicca z prajektam dyzajnu novych polskich pašpartoŭ.
«Vostraja brama z abrazom Najśviaciejšaj Panny Maryi znachodzicca na terytoryi Litvy. Tamu vyjava jaje kaplicy nie moža być vykarystanaja ŭ dyzajnie aficyjnych dakumientach inšaj dziaržavy», — adznačyŭ litoŭski dypłamat.
Akramia Vostraj bramy, na novych polskich pašpartach taksama moža źjavicca malunak Miemaryjała lvoŭskich arlaniat.
Novy dyzajn zamiežnych pašpartoŭ źjaŭlajecca adnym z elemientaŭ śviatkavańnia stahodździa niezaležnaści Polščy, jakoje prypadaje na 11 listapada 2018.
MUS Polščy abjaviła akcyju, u chodzie jakoj palaki mohuć vybirać u internecie simvały, samyja papularnyja ź jakich paśla buduć vykarystanyja ŭ novym dyzajnie polskaha zamiežpašparta. U dadzieny momant Vostraja brama nabrała 15 tysiač hałasoŭ i zajmaje druhuju pazicyju siarod najbolš papularnych znakaŭ.
