Aryna Sabalenka. Fota: Mike Hewitt / Getty Images
Unačy paśla skančeńnia prestyžnaha tenisnaha turniru ŭ Madrydzie byli adnoŭlenyja mužčynski i žanočyja rejtynhi.
Iha Śviontak i Aryna Sabalenka zachavali zvańni pieršaj i druhoj rakietak śvietu, ale polka pavialičyła adryŭ ad biełaruski.
Sabalenka nie zmahła abaranić tytuł, jana prajhrała ŭ finale akurat Śviontak, tamu straciła 1000 bałaŭ (hod tamu Aryna vyjhrała turnir u stalicy Ispanii), ale nabrała 650 za vychad u finał. Iha, naadvarot, zavajavała 1000 bałaŭ.
Zaraz u Ihi 10910 bałaŭ, u Aryny — 7498 bałaŭ. Sabalenka adstaje na 3412 bałaŭ.
Pieramohi ŭ turnirach, u jakich udzielničajuć dziaŭčaty, prynosić pa 500 ci 1000 bałaŭ. Pieramoha na turniry Vialikaha šlemu (Australian Open, Rałan Haros, Uimbłdon, US Open) prynosić pa 2000 bałaŭ. Nu i treba, adpaviedna, kab Śviontak vylatała na rańnich stadyjach.
Tak, naprykład, da Uimbłdonskaha turniru, jaki startuje 1 lipienia, projduć turniry ŭ Rymie (1000 bałaŭ), Strasbury (500), Rałan Haros (kaniec maja — pačatak červienia, 2000 bałaŭ), Bierlinie i Istburnie (pa 500 bałaŭ).
Čytajcie taksama:
Aryna Sabalenka prajhrała ŭ finale turniru ŭ Madrydzie
«Ja pajšoŭ na **j» Sabalenka pasłała svajho treniera padčas matču — jon pahadziŭsia
