Skrynšot videa STB
Alaksandr Łukašenka, razmaŭlajučy z žurnalistami paśla śviatkavańnia 9 Maja ŭ Minsku, sprahnazavaŭ chutki krach dalara.
Łukašenka zajaviŭ, što «Rasii i Biełarusi čužoha nie treba», adnak krainy Zachadu nibyta pravakujuć napružanaść, kab raźviazać svaje ekanamičnyja prablemy.
«Im čahości nie chapaje. Voś-voś abryniecca dalar.
Kali dalar abryniecca, što adbudziecca? U ich ža na papierkach usia ekanomika. Treba — nadrukavali dalary. Kažuć, kali šmat hrošaj, inflacyja. Im plavać — inflacyja na nas kładziecca», — vykazaŭ mierkavańnie Łukašenka.
Palityk miarkuje, što jeŭra i dalar užo nikomu nie patrebnyja:
«Jany hetaha bolš za ŭsio bajacca. Ja pryvodziŭ prykład — u ich svaich siabroŭ niama. Vy pamiatajecie, Jeŭropa svaju valutu ŭviała — jeŭra. Narmalnaja, mocnaja valuta. Dla nas, jak i dla ŭsiaho śvietu, što jeŭra, što dalar, adno i toje ž. Było da sankcyj.
Ciapier ni dalary, ni jeŭra nikomu nie patrebnyja. Heta ŭžo nie tolki ŭ Biełarusi i Rasii — heta ŭ mnohich krainach».
Łukašenka zajaviŭ, što ZŠA «pamylilisia, abjadnaŭšy Kitaj z mahutnaj jadziernaj dziaržavaj Rasijaj». I ciapier, ź jahonych słoŭ, krainy Zachadu chočuć vajny, kab «łavić rybku ŭ kałamutnaj vadzie».
Sa słoŭ palityka, NATO nibyta navučaje niamieckich lotčykaŭ nanosić jadziernyja ŭdary pa Biełarusi. Tamu kraina vymušana ŭdzielničać u jadziernych vučeńniach Rasii.
Čytajcie taksama:
Łukašenka zajaviŭ, što polskaha deziercira Čečku zabili
Łukašenka apraŭdvaŭsia pierad vajskoŭcami za svajo «kałdybańnie pa zavuhollach z Šajhu»
Łukašenka z Pucinym zasiadzielisia — da treciaj nočy abmiarkoŭvali Ukrainu
Špic Umka pahladzieŭ na parad Pieramohi ŭ Maskvie FOTAFAKT
Vyhladaje, na paradzie ŭ Maskvie Łukašenka znoŭ nie išoŭ razam z prezidentami
