Rabotnica Mazyrskaha NPZ Maryna Cyblijenka padała ŭ sud na dziejača apazicyi Viktara Ivaškieviča. Padstavaj dla pazovu stała toje, što Ivaškievič zaklikaŭ jeŭrapiejskija kampanii bajkatavać biełaruskija naftapradukty.
Napačatku płanavałasia, što 22 maja adbudziecca dasudovaje pasiadžeńnie. Ale sudździa Iryna Laŭkova prapanavała pačać sam praces, na što abodva baki pahadzilisia.
Cyblijenka ad Ivaškieviča patrabuje 500 tysiač rubloŭ kampiensacyi maralnych strataŭ, jakija nibyta nanieśli joj asabista jaho vykazvańni. A taksama prosić abaviazać palityka źviarnucca ź listom ab admovie svaich raniejšych patrabavańniaŭ i nakiravać list tym ža adrasatam — to bok kiraŭnikaŭ krain Jeŭrapiejskaha Sajuza. Pa słovach žančyny, pakul heta nie zroblena, isnuje realnaja pahroza ŭviadzieńnia sankcyj.
«Adsutničaje ŭpeŭnienaść u zaŭtrašnim dni. Ja pieražyvaju sapraŭdny stres. Ja nie mahu spakojna pracavać. A raptam z-za sankcyjaŭ ja straču pracu? U mianie padskočyŭ cisk i pačalisia nieŭrozy. Hetaja tema pastajanna abmiarkoŭvajecca ŭ kalektyvie…»
Jana narakaje, što nie zmoža spakojna žyć, kali nie budzie ŭpeŭnienaja ŭ budučyni svajoj siamji.
«I tak mała płaciać, a vy chočacie jašče horaj zrabić? Jaki vaš uniosak u biudžet krainy? Vy płacicie padatki?»
— maŭlaŭ, čaho damahajecca Ivaškievič svaimi zaklikami.
Žančyna, jak padajecca, ščyra vieryć u toje, što havoryć. Jana padrychtavanaja da suda (albo jaje padrychtavali). Cyblijenka pryvodziła słovy Ivaškieviča ź jaho intervju. Pytańni dla jaho zapisanyja na papiery.
Viktar sprabavaŭ davieści, što mienavita ŭrad adkazny za paharšeńnie ekanamičnaha stanovišča, a nie jahonyja zakliki. Devalvacyja rubla minułaha hoda nie idzie ni ŭ jakaje paraŭnańnie z zaklikami da sankcyj.
«Paśla letašniaj devalvacyi vy vystavili pazoŭ Prakapoviču, jaki heta zrabiŭ — realna padarvaŭ vaša materyjalnaje stanovišča?»
— pytańnie Ivaškieviča hučała jak rytaryčnaje. Jon zapytaŭsia, čamu realnaje paharšeńnie situacyi nie vyklikała ŭ žančyny maralnych pakutaŭ, a hipatetyčnyja sankcyi — vyklikali.
Cyblinskaja nie admaŭlała, što ekanamičnaja situacyja ŭ krainie pahoršała. Ale jana nie ličyć, što ŭ hetym vinavata kiraŭnictva Biełarusi.
«Usio, što robić urad, — pravilna».
A palitviaźniaŭ, jakich nibyta ŭ Biełarusi znajšoŭ ES, jana prymaje za zvyčajnych złačyncaŭ: «Za kratami siadziać ludzi, jakija parušyli zakon».
«Ja liču, kali vy skažacie nie ŭvodzić sankcyi, ich nie ŭviaduć. A kali vy zakličacie da ich, to mohuć prysłuchacca. Paličać, što tak dumaje bolšaść».
Pa słovach Ivaškieviča, da sankcyj z boku ES chutčej padšturchoŭvać vykazvańni Alaksandra Łukašenki kštałtu «ŭ jeŭrapiejskich palitykaŭ niama jaic». I tamu treba ŭsim razam abmiarkoŭvać, jak źmianić «režym».
«Apazicyja pavinny być u luboj krainie»,
— skazała Cyblijenka padčas sudovych sprečak. Ale zajavy Ivaškieviča «našu apazicyju prosta dyskredytujuć».
Hrupa padtrymki Maryny Cyblijenki ŭ zale suda składałasia z 10-12 čałaviek. Jany emacyjna reahavali na słovy Ivaškieviča. Uvieś čas pieramaŭlalisia pamiž saboj, davodziačy absurdnaść i hałasnoŭnaść, na ich dumku, słoŭ Ivaškieviča. Paśla niekalkich zaŭvah sudździa vydaliła dźviuch žančyn z zały. Ale kali i vychodzili, jana pasprabavali ahryzacca ź Ivaškievičam.
A 15-j hadzinie byŭ vyniesieny prysud: Ivaškievič aštrafavany na 500 tys. rubloŭ.
* * *
10:35
Cyblijenka asabista pryjechała ŭ sud, žurnalistam zajaviła, što ad patrabavańniaŭ nie admaŭlajecca.
Pierad budynkam suda staić kala 20 pikietoŭščykaŭ ad prafsajuza, kažuć, što pryjechali z Mazyra. Trymajuć płakaty (
10:45
Padjechaŭ Ivaškievič, padyšoŭ da pikietoŭščykaŭ. Jaho pytajucca: «Navošta jon heta robić?» Ivaškievič adkazvaje, što chacieŭ pryjechać u Mazyr, ale nie atrymaŭ dazvołu kiraŭnictva prafsajuza.
10:50
Ivaškievič zajšoŭ u budynak suda.
11:07
Viadzie pasiadžeńnie sudździa Iryna Laŭkova. Cyblijenka, jak zajšła ŭ zału pasiadžeńnia, to pavitałasia piersanalna ź Ivaškieviča. U zale kala 20 čałaviek.
11:14
Cyblijenka paprasiła, kab jaje pravy pradstaŭlała Śviatłana Kotava — zahadčyca jurydyčnaj kansultacyi pravavoha ŭpraŭleńnia aparata savieta FPB. Prośba zadavolena. Pačaŭsia sudovy razhlad spravy.
11:32
Cyblijenka i Kotava vystupili z tłumačeńniami, prosiać spahnać ź Ivaškieviča 500 tys., i kab Ivaškievič adklikaŭ svoj zaklik. Ivaškievič zadaje pytańni.
11:50
Cyblijenka kaža: «Ja pieražyvaju vialiki stres nie mahu pracavać spakojna. Ja nie peŭnaja ŭ zaŭtrašnim dni. A raptam
Ivaškievič paryruje: «Ja padarvaŭ vaš stan?» — Cyblijenka: «Kali ja budu čakać sankcyj, to budzie ŭžo pozna, vy nie majecie racyi, što zaklikajecie da sankcyj krainu, u jakoj žyviacie».
12:11
Cyblijenka: «I tak mała płaciać, a vy chočacie jašče horaj zrabić?»
Ivaškievič: «Horaj być užo nie moža».
Jon tłumačyć, što mienavita ŭrad adkazny za paharšeńnie ekanamičnaha stanovišča, a nie jahonyja (Ivaškieviča) zakliki da sankcyj. Devalvacyja rubla minułaha hoda nie idzie ni ŭ jakaje paraŭnańnie z zaklikami da sankcyj.
12:32
Pačałosia daśledavańnie materyjałaŭ spravy, mahčyma, siońnia sudovaje pasiadžeńnie i skončycca.
12:34
Iduć sudovyja sprečki.
12:42
Sprečki skončanyja. A 15-j budzie abvieščany prysud.
