U niadzielu adbylisia pieršyja matčy čverćfinału Kubku krainy pa futbole.
Najbolš intryhoŭnaj paraj było supraćstajańnie letašniaha čempijona — BATE, z čaćviertaj kamandaj — 2006 mienskim — MTZ‑RIPA. BATE ŭpeŭniena kantralavaŭ chadu pajadynku i zasłužana pieramoh — 2:1. Abodva hały ŭ barysaŭcaŭ zabiŭ napadnik Vital Radzivonaŭ.
Sensacyja adbyłasia ŭ Salihorsku, dzie miascovy «Šachtar» niečakana prajhraŭ bieraściejskamu «Dynama» — 0:2. Niahledziačy na toje, što inicyjatyvaj vałodali «harniaki», bieraściejcy zmahli dvojčy ŭdała vykarystać kontarataki i adstajać niedatykalnymi svaje bramy.
Mienskaje «Dynama» tolki dziakujučy zabitamu na druhoj dadanaj chvilinie matču hołu, pieramahło ŭ Horadni miascovy «Nioman». Aŭtaram pieramožnaha miača staŭ habonski lehijaner Bruna Mbananhuaju. Vynik — 2:1.
Jašče adna ŭčorašniaja hulnia skončyłasia ŭ ničyju. Debiutant elitnaha dyvizijonu «Miensk» na svaim stadyjonie abmianiaŭsia hałami z žodzinskim «Tarpeda» — 1:1.
Matčy ŭ adkaz adbuducca 5 krasavika. Uvachod na matč «Dynama» — «Nioman» biaspłatny. Pačatak a 17‑j. Voś tolki nadvorje padviadzie. Samy krasavicki choład.