Uładalnik TAA «Chanoj-Inviest» pahareŭ na fiktyŭnych šlubach
Hałoŭnaje ŭpraŭleńnie pa baraćbie z arhanizavanaj złačynnaściu (HUBAZ) MUS zacikaviłasia dziejnaściu Le Chonh Fonha — uładalnika najbujniejšaha ŭ krainie vjetnamskaha biznesu — TAA «Chanoj-Inviest».
TAA «Chanoj-Inviest» — samaja viadomaja ŭ Biełarusi kampanija, stvoranaja vychadcami z Vjetnama. Zasnavalnika kampanii nazyvajuć nie tolki ŭładalnikam najbujniejšaha vjetnamskaha biznesu ŭ Biełarusi, ale i zastupnikam vjetnamskaj dyjaspary ŭ krainie.
Cikavaść, jakuju vykazaŭ da ŭpłyvovaha vjetnamca HUBAZ MUS, źviazany nie tak ź jaho biznesam, jak z uzajemaadnosinami z vjetnamskaj dyjasparaj.
Pavodle dadzienych pravaachoŭnych orhanaŭ, zasnavalnik TAA «Chanoj-Inviest» u 2005–2009 hadach arhanizavaŭ zaklučeńnie 12 fiktyŭnych šlubaŭ pamiž hramadzianami Vjetnama i Biełarusi.
Jak ličać u MUS, šluby zaklučalisia vyklučna z metaj atrymańnia zamiežnymi hramadzianami dazvołu na pastajannaje miesca žycharstva ŭ Respublicy Biełaruś.
Pa dadzienych faktach Śledčym kamitetam u dačynieńni da Le Chonh Fonha raspačataja kryminalnaja sprava pa č. 2 art. 371–1 Kryminalnaha kodeksa Biełarusi (arhanizacyja niezakonnaj mihracyi, učynienaja paŭtorna abo hrupaj asob pa papiaredniaj zmovie).