V Kanhres novaj biełaruskaj dyjaspary Jeŭropy i ZŠA demakratyčnych siłaŭ Biełarusi ŭ Talinie sabraŭ amal 50 udzielnikaŭ. Tradycyjnym arhanizataram vystupiŭ palityčny ŭciakač Pavał Marozaŭ i jaho arhanizacyja «Treci šlach».
Biełaruskuju dyjasparu pradstaŭlali «Biełaruski infarmacyjny dom» (Polšča), «Biełaruski trybunał» (Niderłandy), «Aljans za madernizacyju» (Čechija), Biełaruski dom u Vilni (Litva),
U jakaści ekśpiertaŭ — palituciekačy Aleś Michalevič i Aleś Zarembiuk, namieśnik staršyni «Ruchu za Svabodu» Juraś Hubarevič, siabra Sojmu Partyi BNF Jury Čavusaŭ, byłaja deputatka Pałaty pradstaŭnikoŭ Volha Abramava i šerah inšych.
Na pytańnie, čamu mienavita taki skład udzielnikaŭ, Pavał Marozaŭ patłumačyŭ, što chacieli sabrać roznyja, nie tolki palityčnyja hrupy, jakija mahli b pracavać razam.
Niekatoryja zaprošanyja hości ad udziełu admovilisia.Naprykład, redaktarka sajta
«Sa ździŭleńniem daviedałasia, što na „Kanhresie biełaruskaj dyjaspary“ <…> budzie Volha Abramava. Vydatnaja kampanija. Ja, mabyć, ustrymajusia ad udziełu».
Uziać udzieł nie zmoh i namieśnik staršyni Rady BNR Siarhiej Navumčyk. Treba adznačyć, što arhanizatar Kanhresu Pavał Marozaŭ — siabra Rady BNR.
Pavodle Marozava, dziejačam apazicyi i hramadzianskaj supolnaści nie chapaje ščyraści:
«Voś Mackievič, naprykład, padmianiaje paniaćci. Čamu b jamu nie skazać, čaho jon realna choča. Maŭlaŭ, ja chaču pryjści da ŭłady. Tady lepš nie prykryvacca hramadzianskaj supolnaściu».
Marozaŭ ličyć, što apazicyi i NDA ŭ Biełarusi lepš pracavać paasobku:
«Sapraŭdy, jość sens raździalić palityčnyja subjekty i hramadzianskuju supolnaść. Dać mahčymaści sfarmavać kaalicyi. My čakajem ad palitykaŭ prostaha finału: źmieny sistemy. Voś Lipkovič — jon palityk? Nie, jon trybun. Takim ludziam treba dać svaju trybunu. Dla palitykaŭ heta budzie prymankaj, kab ź imi pracavać. I dla hramadstva heta budzie aryjenciram. Źjaviacca novyja tvary. Hramadstva budzie aktyvizavacca».
Vystup Alesia Michaleviča datyčyŭ siońniašniaj situacyi ŭ Biełarusi:
«Adna z hałoŭnych ciapier prablemaŭ — masavaja emihracyja, asabliva ŭ Rasiju, chacia tam padlik biełarusaŭ nie viadziecca. Šmat biełarusaŭ źjechali ŭ Kijeŭ. <…> Zhadajcie, usie prahnazavali masavuju pryvatyzacyju. Ale stała vidavočna, što Łukašenka nie źbirajecca dzialicca ani ŭładaj, ani majomaściu».
Juraś Hubarevič pačaŭ i skončyŭ vystup prahnozam, što 2013 hod naŭrad ci pryniasie niejkija zruchi.
«Hramadstva budzie zaniataje vyrašeńniem svaich ułasnych, u tym liku finansavych prablemaŭ. Palityčnaja aktyvizacyja budzie nievialikaja, tym bolš kali apazicyja nie vystupić kansalidavana. Napiaredadni miascovych vybaraŭ 2014 hoda mahčymaje abrańnie adzinaha kandydata».
Byłaja deputatka Pałaty pradstaŭnikoŭ Volha Abramava zadała pytańnie Jurasiu Hubareviču pra raskoł apazicyi na «radykalnuju» i «ŭmieranuju»:
«Vaš aljans „Ruchu za Svabodu“, „Havary praŭdu“ i BNF, na maju dumku, vielmi pierśpiektyŭny. Ci madelavali vy adnosiny z druhim łahieram, z radykałami? Taksama, jak na mianie, Mackievič [Uładzimir] bližejšy da vašaj hrupy. Jakija ź im adnosiny?»
Juraś Hubarevič adkazaŭ, što padzieł na «radykalnych» i «ŭmieranych» umoŭny:
«Usie radykały ŭžo źjechali ź Biełarusi. Ich radykalizm — u rytorycy i nieprymirymaj pazicyi. Na maju dumku, pazicyja ich utapičnaja, jana tolki kansiervuje situacyju, namienkłatura dla siabie nie bačyć nijakich pierśpiektyvaŭ. <…> Što da Mackieviča, da hetaha jon byŭ krytykam apazicyi. Pahladzim, ci zmoža jon ulicca ŭ palityčnyja pracesy».
Uvohule, ciaham Kanhresu Volha Abramava prajaŭlała nadzvyčajnuju aktyŭnaść i padčas kožnaj dyskusijnaj paneli vystupała ci zadavała pytańni. Miž inšaha, jana zreahavała na vystup palitołaha Andreja Parotnikava pra toje, što Łukašenka šukaje alternatyvu Rasii:
«Ja dumaju, u Biełarusi z Rasijaj šmat supolnych intaresaŭ. I nijaki Katar Rasii nie zamienić. Akramia taho Rasija maje ideałahičnuju i vajskovuju zacikaŭlenaść u Biełarusi. <…> Razam z tym isnuje nacyjanalny kansensus nakont niezaležnaści Biełarusi», — zajaviła Volha Abramava i adznačyła, što choć pa nacyjanalnaści i ruskaja, ale vyrašyła nastupny raz, kali paŭstanie pytańnie, zapisać siabie biełaruskaj.
Paśla plenarnych pasiedžańniaŭ adbylisia dyskusii ŭ pracoŭnych hrupach. Častka abmiarkoŭvała mahčymaści pracy biełaruskich pradstaŭnictvaŭ za miažoj. Adzin z udzielnikaŭ hrupy Aleś Zarembiuk adznačyŭ:
«Biełaruskija pradstaŭnictvy za miažoj pavinnyja znajści pamiž saboj ahulnuju movu, a pracavać najpierš treba z arhanizacyjami ŭ Biełarusi».
Druhaja pracoŭnaja panel była pryśviečanaja
Pierad udzielnikami Kanhresu vystupiŭ śpiecdakładčyk Parłamienckaj Asamblei Rady Jeŭropy estoniec Andrys Chierkiel, jaki pačaŭ z taho, što ciapier ščylna zajmajecca spravaj Alesia Bialackaha. Jon kanstatavaŭ:
«Na žal, Biełaruś — adzinaja kraina, jakaja za apošni čas zrabiła krok nazad u płanie demakratyčnych pieraŭtvareńniaŭ».
Pradprymalniki Viktar Harbačoŭ i Aleh Miacielica raskazali pra situacyju z drobnym i siarednim biznesam u Biełarusi:
«U nas kala miljona pradprymalnikaŭ. Adnak jany nie iduć u palityku. Nie iduć, bo ich adrazu zakryjuć», — adznačyŭ Harbačoŭ.
Udzielniki Kanhresu raskazali śpiecdakładčyku pra sproby cisku na niezaležnyja miedyi i vykazalisia za ideju admieny albo źmianšeńnia koštu šenhienskich vizaŭ dla biełarusaŭ. Miž inšaha, prahučała ideja pravieści kampaniju za pašyreńnie kolkasnaha składu supracoŭnikaŭ dypłamatyčnych pradstaŭnictvaŭ u Biełarusi, što sprościć i paskoryć praceduru atrymańnia vizaŭ.
U miežach Kanhresu adbyłosia adkryćcio vystavy mastački Taćciany Dzianisavaj u viežy Chielemana ŭ histaryčnym centry Talina, a taksama prezientacyja biełaruskaj niadzielnaj škołki «Praleska».
