Jehipiet uvodzić vizy dla biełarusaŭ 10

Zastavačnaje fota

Bujnyja rasijskija turapieratary razasłali svaim ahientam adpaviednyja listy. U pasłańniach skazana: «Infarmujem vas pra novyja patrabavańni znachodžańnia biełaruskich hramadzian na terytoryi Jehipta. Biełaruskim hramadzianam, jakija prybyvajuć u Jehipiet z terytoryi Rasijskaj Fiederacyi, nieabchodnaja viza».

Čutki pra toje, što dla biełaruskich turystaŭ admianiajucca vizy ŭ aeraportach Churhady i Šarm-el-Šejcha pieryjadyčna źjaŭlalisia ŭvieś apošni hod.

Tym nie mienš čartary ź Minska, a taksama Maskvy i Kijeva ź biełaruskimi turystami lotali letam i vosieńniu ŭ zvyčajnym režymie. Nijakich pytańniaŭ da «pakietnych» turystaŭ ź biełaruskimi pašpartami ŭ aeraportach nikoli nie ŭźnikała.

Turysty za 15 dalaraŭ atrymlivali zapavietnuju «nalepku» i adpraŭlalisia na plaž. I voś znoŭ niavyznačanaść ź vizami.

Pryčym zaraz turfirmy znachodziacca ŭ poŭnaj razhublenaści: ci datyčacca vizavyja pytańni tolki biełaruskich turystaŭ, jakija vylatajuć u Jehipiet z Maskvy (jak skazana ŭ maskoŭskich listach), albo ŭsio ž taki, jak užo chodziać čutki,

z 1 śniežnia ŭsim biełarusam (niezaležna ad punkta adpraŭleńnia) nieabchodnaja budzie jehipieckaja viza dla ŭjezdu ŭ krainu?

Nahadajem, što ŭ Minsku niama jehipieckaha dyppradstaŭnictva, tamu jeździć pa vizy biełarusam pryjdziecca ŭ stalicu Rasii. Rasijskija apieratary, jakija całkam kantralujuć rynak pajezdak biełarusaŭ na jehipieckija plažy, zmohuć adkryvać vizy našym hramadzianam biez asabistaj prysutnaści suiskalnikaŭ,

ale tym nie mienš praciahłaść pracedury — pryblizna 10 dzion, miakka kažučy, nie vyklikała zachapleńnia ŭ biełaruskich turahientaŭ.

Dla pačatku my pasprabavali znajści jakuju-niebudź infarmacyju ab radykalnych źmienach u vizavym pytańni ŭ aficyjnych viedamstvach. Na žal, datelefanavacca da Pasolstva Jehipta ŭ Maskvie, hetak ža jak i znajści jakuju-niebudź infarmacyju ab vizavych źmienach na aficyjnym sajcie ŭstanovy, nie ŭdałosia. U pres-słužbie MZS Biełarusi na momant napisańnia materyjału taksama nie mieli jakoj-niebudź infarmacyjaj ab jehipieckich vizavych novaŭviadzieńniach.

Zatym tio.by pasprabavaŭ atrymać tłumačeńni ad najbujniejšych turapierataraŭ, jakija pracujuć u Biełarusi. «Jak tolki jakaja-niebudź infarmacyja nakont jehipieckich viz paćvierdzicca, my adrazu ž paviedamim pra heta ahienctvy, pakul što aficyjnych kamientaroŭ pa hetaj nahody my davać nie budziem», — adkazali ŭ adździele rekłamy i PR kampanii Tez Tour.

Tym nie mienš mienavita na aficyjnym sajcie hetaha turapieratara ŭ raździele «Turystam» z nahody viz u Jehipiet ukazana adnaznačna:

biełarusam patrabujecca abaviazkovaje afarmleńnie vizy ŭ konsulstvie!

Tio.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH