«У Барысаве яшчэ горш»? Лукашэнка сёння наведае «Барысаўдрэў» 10

«Дык Івацэвічы — гэта перадавое прадпрыемства. У Барысаве яшчэ горш», — так адрэагаваў на крытыку Аляксандрам Лукашэнкам парадкаў на «Івацэвічдрэве» віцэ-прэм’ер Уладзімір Сямашка. І што ж — Аляксандр Лукашэнка сёння скіраваўся з працоўнай паездкай у Мінскую вобласць, на ААТ «Барысаўдрэў».

Яго паінфармуюць пра фінансава-гаспадарчую дзейнасцю прадпрыемства, рэалізацыю інвестыцыйнага праекта «Рэканструкцыя і развіццё вытворчасцей пліткавых драўняных матэрыялаў і лесанарыхтоўкі з укараненнем комплексу энергазберагальных мерапрыемстваў».

Запалкавая фабрыка ў Барысаве заснавана ў 1901 годзе. Гэта адно з найстарэйшых прадпрыемстваў дрэваапрацоўчай галіны.

МБ

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ