Ахоўнік мінскага гульнявога клуба моцна збіў наведніка 5
Крымінальная справа распачата ў дачыненні да ахоўніка мінскага гульнявога клуба за збіццё мужчыны.
У ноч на 10 лютага з гульнявога клуба, які знаходзіцца на праспекце Ракасоўскага, з чэрапна-мазгавой траўмай лёгкай ступені, разрывамі тонкай кішкі і малога сальніка ў бальніцу быў дастаўлены 40-гадовы мінчанін.
Устаноўлена, што цялесныя пашкоджанні ў памяшканні клуба падчас сваркі прычыніў 22-гадовы ахоўнік гэтай установы, які затрыманы і змешчаны ў ізалятар часовага ўтрымання.
Заведзена крымінальная справа па ч.1 арт. 147 (наўмыснае прычыненне цяжкага цялеснага пашкоджання) КК, якая прадугледжвае да 8 гадоў пазбаўлення волі.