У Лідзе сабака дапамог чалавеку ў вазку пераехаць затопленую вуліцу — відэа 9

На YouTube з’явілася відэа, як чалавек у вазку спрабуе праехаць (хоць тут слушней слова «праплысці») затопленую вуліцу ў Лідзе. І дапамагае яму ў гэтым яго сабака.

Лідчукі ведаюць, што пасля моцнай залевы пад новазбудаваным чыгуначным мостам на вуліцы 8-га Сакавіка утвараецца вялікая лужына. Ліўнёўкі на гэтым участку дарогі не спраўляюцца з вялікім патокам вады, што перашкаджае руху транспарту і пешаходаў.

Для апошніх перайсці гэты ўчастак, не памачыўшы ногі, становіцца наогул немагчымым. І альтэрнатыўнага пераходу для пешаходаў паблізу няма.

Паводле tut.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ