Былая палюбоўніца лідэра Паўночнай Карэі Кім Чэн Ына спявачка Хён Сон Воль была прысуджаная да вышэйшай меры пакарання па абвінавачванні ў парнаграфіі і публічна расстраляная ў складзе групы іншых музыкаў 20 жніўня,паведамляе chosun.com.
Паводле інфармацыі крыніц у Кітаі, спявачка і кіраўнік аркестра «Ынхасу» былі арыштаваныя 17 жніўня за парушэнне закона аб парнаграфіі, а праз тры дні публічна расстраляныя.
Ахвярамі гэтай расправы сталі музыканты аркестра, а таксама танцоры і выканаўцы з гурту Wangjaesan.
Іх абвінавацілі ў тым, што яны нібыта прадавалі свае парнаграфічныя запісы ў Кітаі.Таксама сцвярджаецца, што ў некаторых абвінавачаных знайшлі Бібліі, а ставіліся да іх як да палітычных дысыдэнтаў.
Кім Чэн Ын сустрэў Хён Сон Воль каля 10 гадоў таму. Пазней Кім Чэн Ір прымусіў сына парваць з палюбоўніцай, а яна выйшла за муж за іншага мужчыну, вайскоўца. З таго часу хадзілі чуткі, што пара падтрымлівала рамантычныя адносіны.
Цяперашняя жонка Кім Чэн Ына Лі Соль Ю таксама была спявачкай аркестра «Ынхасу». Няясна, ці мае яна дачыненне да гэтай экзекуцыі.
Прысуд быў прыведзены ў выкананне на вачах у іншых музыкаў і членаў іх сем’яў, якіх адправілі ў лагеры.
Песня ў выкананні Хён Сон Воль.
0
0
0
0
0
0