На вуліцы Ціміразева ў Мінску ўстаноўлены першыя ў горадзе дэлініятары — канструкцыі, якія аддзяляюць асноўнае дарожнае палатно ад выдзеленай паласы для грамадскага транспарту, паведамілі ва ўпраўленні ДАІ ГУУС Мінгарвыканкама.
Пакуль у якасці эксперыменту дэлініятары з’явіліся ў раёне ГД «Ждановічы». Менавіта тут з пачатку гэтага года інспектары дарожна-патрульнай службы аддзела ДАІ Цэнтральнага раёна сталіцы зарэгістравалі 515 парушэнняў вадзіцелямі правілаў спынення і стаянкі транспартных сродкаў.
Плануецца, што з укараненнем гэтых прыстасаванняў на праезнай частцы аўтааматары будуць радзей парушаць ПДР і дастаўляць менш праблем кіроўцам грамадскага транспарту.
Дэлініятары выкарыстоўваюцца ў якасці дарожнай разметкі — яны раздзяляюць і перанакіроўваюць аўтатранспартныя патокі (як раздзяляльнікі палос руху), акрэсліваюць выдзеленыя палосы для грамадскага транспарту, пад’езды да небяспечнага ўчастка. Іх таксама ўстанаўліваюць на паркоўках для выдзялення месцаў стаянкі.
