Візіт мае адбыцца 3-4 кастрычніка, паведамляе сайт прэзідэнта Казахстана.
На перамовах Назарбаева і Лукашэнкі будуць закранутыя пытанні паглыблення двухбаковага супрацоўніцтва ў гандлёва-эканамічнай і індустрыяльна-інавацыйнай сферах, а таксама прамысловай кааперацыі ў АПК.
Будзе абмеркаваны ход развіцця інтэграцыйных працэсаў на постсавецкай прасторы, у першую чаргу, у рамках Мытнага саюза і Адзінай эканамічнай прасторы.
Прэс-служба прэзідэнта Казахстана падкрэслівае, што маючы адбыцца візіт кіраўніка Беларусі закліканы
замацаваць і надаць новы імпульс супрацоўніцтву дзяржаваў у двухбаковым і шматбаковым фарматах, а таксама дасць магчымасць ажыццявіць «зверку гадзіннікаў» па актуальных міжнародных праблемах.
Дарэчы, сёння ў Казахстан з афіцыйным візітам прыбывае старшыня ўрада Іспаніі Марыяна Рахой.
Што да Лукашэнкі, то мінулы раз ён наведваў Казахстан у канцы мая 2013 г., калі браў удзел у пасяджэнні Вышэйшага Еўразійскага эканамічнага савета.
Казахстан для беларускага кіраўніка з'яўляецца другой краінай, пасля Расіі, якую ён наведвае часцей за іншыя. З 2004 г. ён зрабіў туды 11 паездак.
