Амерыканскі рэпер Эмінем сумесна з аўстралійскай спявачкай Sia зняў кліп на песню Guts Over Fear, якая з'яўляецца саўндтрэкам да фільма «Вялікі ўраўняльнік».
Ролік апублікаваны на афіцыйным канале музыканта на сэрвісе YouTube і за 19 гадзінаў ужо сабраў 1,6 млн праглядаў.
Рэжысёрам кліпа выступіў Syndrome, які таксама працаваў з такімі выканаўцамі, як Кайза, Fall Out Boy і Imagine Dragons. Guts Over Fear — першы проматрек з дзявятага студыйнага альбома Эмінема пад назвай SHADYXV, рэліз якога адбыўся 24 лістапада 2014 г.. Акрамя таго, сінгл увайшоў у зборнік Shady Classics.
Ролік распавядае гісторыю спартсмена-баксёра, які на шляху да поспеху вымушаны падзарабляць у рэстаране, адначасова клапоцячыся пра цяжарную жонку і бацьку-алкаголіка.
