Пік крызісу ўжо дасягнуты, расійская эканоміка прыстасоўваецца да новых умоў, заявіў прэзідэнт Расіі Уладзімір Пуцін на інвестыцыйным форуме «Расія кліча!».
EPA
Па словах Пуціна, у расійскай эканоміцы, нягледзячы на крызісныя з'явы, усё ж назіраецца пазітыўная дынаміка. У пацверджанне гэтага ён нагадаў, што ў трэцім квартале 2015 упершыню з 2010 года назіраўся прыток капіталу.
«Лічым, што пік калі не пройдзены, то хоць бы дасягнуты — я так мякка скажу, хоць некаторыя калегі лічаць, што пік наогул ужо пройдзены, — сказаў Пуцін, не ўдакладніўшы, каго мае на ўвазе. — У цэлым, расійская эканоміка прыстасавалася да новых эканамічных умоў».
Пуцін пахваліў расійскі ўрад за паслядоўнасць у яго антыкрызіснай палітыцы. Расійскі прэзідэнт адзначыў, што паляпшэнні назіраюцца ў прамысловасці.
