Беларусь падпісала сёння Парыжскае пагадненне па клімаце, паведамілі ў Пастаянным прадстаўніцтве Беларусі пры ААН.
Ва ўрачыстай цырымоніі падпісання дакумента, якая прайшла сёння ў штаб-кватэры ААН у Нью-Ёрку, узялі ўдзел 170 краін. Подпіс пад Парыжскім пагадненнем па клімаце паставіў міністр замежных спраў Беларусі Уладзімір Макей.
Тэкст пагаднення Беларусь у ліку 195 краін ўхваліла ў час 21-й Канферэнцыі бакоў Рамачнай канвенцыі ААН па клімаце, якая прайшла 12 снежня 2015 года ў Парыжы.
Сёння генеральны сакратар ААН Пан Гі Мун заклікаў дзяржавы — сябры арганізацыі як мага хутчэй ратыфікаваць на нацыянальным узроўні Парыжскае пагадненне па клімаце з улікам хуткіх і глабальных змен у гэтай сферы на планеце.
0
0
0
0
0
0