Як паведаміў праваабаронца з Маладзечна Алесь Капуцкі, раніцай 16 траўня адбыўся суд над актывістам Паўлам Сяргеем. Яго асудзілі да 7 сутак арышту.
Пасяджэнне адбывалася непасрэдна ў будынку РУУС г. Маладзечна. Суддзя Павел Жэчко разглядаў адміністрацыйную справу ў дачыненні да актывіста Паўла Сяргея па ч. 3 арт. 23.34 «Парушэнне парадку арганізацыі або правядзення масавых мерапрыемстваў, учыненыя паўторна на працягу аднаго года пасля накладання адміністрацыйнага спагнання за такія ж парушэнні», прызнаў яго вінаватым у правапарушэнні і асудзіў да адміністрацыйнага арышту тэрмінам у семь сутак.
14 мая Павел Сяргей быў затрыманы за ўдзел і пікеце. Да суда малады чалавек знаходзіўся ў будынку РУУСа.
0
0
0
0
0
0
