У Баранавіцкім раёне затрыманы двое мужчын, якія кралі музычныя інструменты і апаратуру, паведаміла БЕЛТА афіцыйны прадстаўнік УУС Брэсцкага аблвыканкама Ганна Івашчанка.
Падрабязнасці сталі вядомыя ў ходзе расследавання раней заведзенай крымінальнай справы па ч.2 арт.205 (крадзеж) Крымінальнага кодэкса.
26-гадовы вясковец і 30-гадовы жыхар Баранавічаў выбілі вакно ў доме пенсіянеркі з вёскі Малая Сваротва і выкралі адтуль гармонік і акардэон.
Таксама праваахоўнікам стала вядома, што крымінальны дуэт пабываў «у гасцях» яшчэ адной жыхаркі гэтай вёскі. З хаты мужчыны вынеслі акустычныя калонкі, а таксама прыхапілі з сабой нажоўку і крэсла. «Музычныя» злодзеі затрыманыя і знаходзяцца пад вартай. Выкрадзеныя рэчы адабраныя.
0
0
0
0
0
0